КъЧР-ни окъуу эмда илму министри Инна Кравченко РФ-ны Санау палатасыны коллегиясыны кенгешине къошулгъанды. Анда сёз Россия Федерацияны 2013-чю – 2020-чы джыллада кърал программасына кёре къралны субъектлерини окъуу учреждениелеринде 2016-чы джыл къаллай бир орун ачылгъаныны эсебин чыгъарыу бла байламлы болгъанды.
РФ-ны Санау палатасыны кенгеши видеоконференция халда ётгенди.

Къарачай-Черкес Республика 2016-чы – 2025-чи джыллада Россия Федерацияны субъектлеринде джангы окъуу организацияланы къурау бла байламлы программагъа киргенди. Ол программаны джашаугъа сингдирир иннетде бизни республикада 25 джангы школ ишлер умут барды. Алада 7557 сохтагъа орун боллукъду. Ол школла ишлениб хайырланыугъа берилселе, сохтала барысы да биринчи сменада окъурукъдула. Экинчи смена къурурукъду. Аны бла бирге окъуучула неси да таб джарашхан, заманны излемине джууаб этген школлада билим аллыкъдыла.
Бюгюнлюкде айтылгъан программаны тамалында Хабез районну Псаучье-Дахе элинде «Школ + сабий сад» деб джангы типли билим комплекс ишлениб башланнганды.