Къарачай-Черкесияны Башчысы Темрезланы Рашид, республиканы вице-премьери Озов Мурат бла тюбешиб, КъЧР кесини 25-джыллыкъ юбилейини къууанчын этерге хазырлыгъы не халда болгъанын соргъанды.
Озов Мурат да анга Къарачай-Черкесия 25-джыллыгъын белгилерге хап-хазыр болгъанын билдиргенди. Аны республикада къууанчын этерни аллы бла, алай демеклик сентябрны 22-де, Москваны Кремль Къаласында Къарачай-Черкесия бла Ингушетияны биргелей бардырылгъан уллу концертлери боллукъдула. Концертни программасы джарашдырылгъанды, режиссёрла ишлерин андан ары бардыра турадыла.


КъЧР-ни 25-джыллыгъына аталгъан байрам республикада уа сентябрны 29-да боллукъду. Ол кюн Къарачай-Черкесияда социал эмда спорт объектле ачыллыкъдыла. Республиканы баш майданында Къарачай-Черкесияны адамларына уллу концерт кёргюзюллюкдю. Дагъыда кёб тюрлю башха ишле этилликдиле.
Темрезланы Рашид Озов Муратны, байрамны белгилеу  бла эмда бардырыу бла байламлы бардырыллыкъ  къууанчла тыйыншлы дараджада ётер ючюн, аланы хазырларгъа къошулгъанлагъа бир арадан башчылыкъ этерге, хар затны джик-джигине дери джарашдырыргъа борчлу этгенди.

 
{jcomments}