Россия Федерацияны Правительствосуну Председатели, «Бирикген Россия» деген Бютеуроссия политика партияны башчысы Медведев Дмитрий, партияны Къарачай-Черкес регионал бёлюмюн, аны джакъчыларын эмда башчысы - Парламентни Председатели Иванов Александрны республиканы ара шахары Черкесскеде баргъан сайлаулада хорлагъанлары бла алгъышлаб, алагъа шахар думаны ишин къурау бла бардырыуда джетишимле теджегенди.

 
«Сайлау кампанияны эсеблери «Бирикген Россия» деген партияны регионда уллу сыйы болгъанына, аны регионал бёлюмюню къурамлы ишлей билгенине шагъатлыкъ этедиле.
Бизни партиядан сайланнган депутатла ала ючюн чёб атханланы ышанмакълыкъларына керти боллукъларына, адамлагъа керекли проектле теджеб, аланы этимли толтурлукъларына толу ийнанама. Мындан ары кёзюуде шахарны ёсюмю, социал магъаналы программаланы толуулары эмда адамланы джашау дараджаларыны кёлтюрюлюулери ала ол ишлени къалай къурагъанлары бла бардыргъанларына кёре боллукъдула.
Сайлау кампанияны кёзюуюнде аламат ишлегени ючюн  партияны Къарачай-Черкес регионал бёлюмюне джюрек разылыгъымы билдиреме», - деб джазылады Медведев Дмитрийни ол алгъышлауунда.