Багъалы джердешле! Къарачай-Черкесияны ахлулары!
Сизни барыбызны  да сыйлы байрамыбыз бла - туугъан Къарачай-Черкесиябызны 25-джыллыгъы бла - таза джюреклерибизден алгъышлайбыз!
Бу байрам бу джерде туууб ёсген, джазыуу Къарачай-Черкесия бла къысха байламлы болгъан, кесини республикасын керти джюреги бла сюйген эмда аны бла ёхтемленнген, аны джеринде уруннган эмда байлыгъына юлюш къошхан хар адамны байрамыды.
Бизни Россиябызны бёлюнмезлик кесеги болуб тургъан Къарачай-Черкесияны къраллыгъыны къуралыуу уллу тарих джолну ётгенди.

Ол джол бизни эсибизде Къарачай-Черкесияны халкъыны - тамада тёлюню, Уллу Ата джурт къазауатны ветеранларыны, уруннганланы кёб тёлюсюню – аскер эмда урунуу джигитликлерини джолуча къаллыкъды. Кесигизни гитче Джуртугъузну къурау бла ёсдюрюуге къошхан чексиз уллу юлюшюгюз ючюн, джюрек разылыгъыбызны билдире, сизни аллыгъызда бёрклерибизни алабыз.
Къарачай-Черкесияны ахыр джыйырма бла беш джылны ичинде къуралгъан джангы тарихи кёб тюрлю магъаналы иш бла къысха байламлыды. Ол ишле уа бизни республикабызда джашагъан хар адамны юсю бла этилгендиле. Ол ишлеге уа аны экономикасын этимли ёсдюрюуде, социал санагъатын тюрлендириуде, джамагъат джашауда, къоркъуусузлукъну бегитиуде, бизни тин-иннет адеблерибиз бла адетлерибизни сакълауда болдурулгъан  магъаналы  джетишимле киредиле.
Озгъан джыйырма бла беш джылны ичинде бизни шахарларыбыз бла эллерибиз джангыргъандыла, бюгюн ала паркла бла эмда скверле бла  джасалыбдыла. Биз социал проектлени къурулушларын бардырыу бла джолланы реконструкцияларын этиуде иги джетишимлеге джетгенбиз; Къарачай-Черкесияны кёб эллине биринчи кере газ тартылгъанды; эл мюлкню ёсюмю да алгъындан эсе игиди, республиканы инвестицион, турист кючлери да алгъа уруб барадыла.
Ётген джыйырма бла беш джылны ичинде Къарачай-Черкесияда джашагъанланы джангы тёлюлери ёсгендиле. Бюгюн Къарачай-Черкесияны кючюню, билимини эмда фахмусуну тамалын да ала къурайдыла. Аладан кёбле, абадан къауумну сынамына таяна, бюгюн огъуна джамагъат джашаугъа тири къошуладыла, магъаналы оюмла теджейдиле, джангы усталыкълагъа юренедиле, кеслерини тырмашыулары бла эмда къаджыкъмай кюрешиулери бла тышында да республиканы атын махтау бла айтдырадыла.
Рахатлыкъ бла келишмек бюгюн Къарачай-Черкесияны кёб миллетли юйдегисини баш байлыкъларыдыла, биз аланы мындан ары да сакъларгъа эмда къатларгъа борчлубуз.
Къарачай-Черкесия  къонакъ сюйген ариу, чомарт республикады. Аны бир кере келиб кёрген,  джюреги бла сюйген, бай тарихи бла, культурасы бла танышхан хар адам бу кюнню келгенине къууанныгъына биз толу ийнаныббыз.
Багъалы джердешле! Бу сыйлы байрам кюн Къарачай-Черкесияны хар юйюне бла юйдегисине къууанч, насыб, ашхылыкъла келсинле. Республикада джашагъан адамланы барына кючлю сюек саулукъ, джетишимле, ашхылыкъла, узакъ ёмюр, республиканы ашхылыгъы ючюн кюрешиулеринде джангы джетишимле бла хорламла теджейбиз!
Байрамынг бла, биз барыбыз да сюйген Къарачай-Черкесиябыз!


Къарачай-Черкес Республиканы Башчысы Темрезланы Рашид
Къарачай-Черкес Республиканы Халкъ Джыйылыууну (Парламентини) Председатели Иванов А. И.
Къарачай-Черкес Республиканы Правительствосуну Председатели Озов А. А.

 
{jcomments}