Бурундан бери да отну суу бла джукълатыб тургъандыла — ол тынчды. Суу терк берилсе, от джайылмайын, аны дженгил джукълатыб къояргъа болады. Алай этер ючюн, суу хазыр болуб турургъа керекди.

Отдан къоркъуулу болгъан кёзюуде, анга джууаблы бёлюмню къуллукъчулары бек сакъ болгъанлай, адамланы айтханларына терен эс бёлгенлей турургъа борчлудула. Кеси башына оноулу органланы, суу бла баджаргъан организацияланы, мюлклени бу джанына джууаблы къуллукъчулары суу джюрютген машиналаны, башха затланы хазыр болуб турурларын кёз туурада тутаргъа борчлудула. Суу берген джерни хар неси джарашыб турса игиди. Суу тутулгъан затла, от джукълатхан техника суу алыргъа джылны къайсы бир заманында да хазыр болуб турургъа керекдиле.
Суу джыйгъан башнялагъа, гидрантлагъа суу алыргъа баргъан джоллада тыйгъыч болмазгъа керекди. Джоллада суу къайда болгъанын, анга дери къаллай бир барыргъа боллугъун билдирген белгиле салыргъа тыйыншлыды. Белгилеге, къарангыда джылтыраб кёрюнюрча затла джабышдырадыла, бегитедиле. От бла кюрешген гидрантланы люкларыны башлары таза тутуладыла, джай кир, къыш къар, буз болмай, аланы керек сагъатда тынч хайырландырырча этиб турургъа тыйыншлыды.
Организацияны тамадасы, тышындан суу тынч берирча мадарла къураб, джаз бла къачда анга къараб, тинтиб, хар затын джарашдырыб турургъа борчлуду.

Кочарова К.,
Эресейни МЧС-ни Къарачай-Черкесияда управлениесини тамада инженери, ич къуллукъну тамада лейтенанты.