Багъалы редакция! Росреестрде адамгъа кесини джерин (юй, дача ишлерге деб алгъан) тинтерге, кесича чеклерин тюз джарашдырыргъа болушхан сервис бармыды? Бар эсе, аны къайда табаргъа боллукъду.
Б. Аслан.
Гитче Къарачай район.

Багъалы Аслан къарнашыбыз! Росреестр кесини цифралы сервисин кенгертиуге уллу эс бёледи. Аланы бириди джер бла байламлы сервис да. Адам, аны юсю бла кесини джеринде терс затланы табыб, тюзетирге боллукъду.
— Росреестрни сайтында «Мои объекты недвижимости» бёлюмге кириб, керекли джер юлюшню табыб, аны болумундан хапар билирге боллукъду, – деб чертгенди управлениени эксперти Катчиланы Айшат. – Бу сервис джер бла байламлы джиберилген бузукъланы тюзетирге эмда адамланы арасында дау болмазча этерге джораланнганды. Айтыргъа, аны бла хайырланнган адам, джерини юсюнде административ джаны бла джорукъгъа келишмеген ишни этиб, джууабха тартыллыкъ тюлдю.

Газетни информацион къуллугъу.