Москвада джашагъан Чусов кесини дачасында уллу къабны ёсдюргенди – аны ауурлугъу 800 килограммды.

Чусов уллу тахта кёгетле къалай ёсгенлеринден, ала къайда аслам болгъанларындан хапар джыйыб тебрегенди. Ала барысы да тыш къраллада битдирилгенлерин билгенден сора, Эресейни джеринде да ким да сейирсинирча бир зат ёсдюрюр муратны алады.
Ол агрономия джаны бла билимин ёсдюреди, ызы бла къабла салыб башлайды. Алты сотых джеринде ол биринчи кере 400 килограмм ауурлугъу болгъан къабны ёсдюреди. Анга адамла бек сейирсинедиле. Ёзге Чусов аны бла тохтамайды. Быйыл ол алгъыннгыдан эки къатха ауур къабны алгъанды. Ол ёсдюрген къабны ауурлугъу 800 килограмм болгъанды.
— Мен къабны ашаргъа деб ёсдюрмегенме, бу меннге экспонатды, — дегенди ол. – Нитратланы кёб къошханса, дегенлеге, айтырым буду: къошмагъанма, нитратла мардадан аслам къошулсала, къаб хыбыл болуб неда джарылыб къаллыкъ эди…