Мектебде босагъа. Атладым, буюгъа.
Биринчи устазны мен бардым аллына,

Биринчи китабла, харифле бла санла…
Биринчи къаламны мен алдым къолума.

Харифни харифге джалгъатыб айтдыра,
Сюйдюрдюнг кесинги хар гитче балагъа,
– Бир, эки, – деб санай, джетдиргененг бешге,
Бешге беш къошула – эллиге, джетмишге…

Уллуну – сыйларгъа, гитчени – джакъларгъа,
Ийнакъны, къучакъны берирге анагъа,
Атадан юлгюню тохтаусуз алыргъа
Юретдинг сен къаджыкъмай дерсден тышында.

Кетдиле кёб джылла, ёсдюле сохтала,
Тюрлениб дуния хар бёгек балагъа.
Устазны уа кёлю, алгъындача турад –
Къыйналгъан бла джылайд,
къууаннган бла джырлайд.

Огъурлу сыфатын устазны ёмюрге,
Джюрегим илеше, къалдырдым эсимде.
Биринчи устазым! Сый береме сеннге,
Сен берген билимни къатларгъа кюреше.

Тебуланы Салимат.