Темрезланы Рашид Къарачай шахарда ноябрны 2-де къарачай халкъны Орта Азия бла Къазахстаннга зор бла кёчюрюлгенини 74-джыллыгъына аталгъан бушуу митингге къошулгъанды.
Аны бла бирге ол мероприятиеге КъЧР-ни Правительствосуну Председатели Озов Аслан, Федерация Советни члени Салпагъарланы Ахмат, Кърал Думаны депутаты Боташланы Расул, КъЧР-ни Парламентини депутатлары бла Правительствосуну членлери, шахарланы, районланы делегациялары, санагъатланы тамадалары, джамагъат организацияланы, дин конфессияланы келечилери, тюз шахарчыла бла элчиле келген эдиле.
Джыйылгъанланы алларында сёлеше, республиканы Башчысы сюргюнде 43 минг адамын тас этген къарачай миллет сынмагъанын, тюзлюк хорларына ышаныуун тас этмегенин, халал уруннганы шохлукъну, къарнашлыкъны, бирси инсанлыкъ шартланы къаты тутханы бла ачы къыйынлыкъны хорлагъанын, тилин, адебин-намысын, культурасын да сакълаялгъанын чертгенди.
- Бирикмеклик, шохлукъ, къарнашлыкъ, халал урунуу рахатлыкъны тамалы болгъанларын кёргюзеди халкъларыбызны тарихи. Бюгюн баш борчубуз депортацияда ачыгъанланы эсде сакълауду, мындан ары аллай къыйынлыкъла болмазча этиудю, - дегенди Башчы.
Бушуу митингде сёлешген башхала да - муфтий Бердиланы Исмаил хаджи, Уллу Ата джурт къазауатны ветеранларыны Къарачай шахарда советини председатели Алийланы Ракай, КъЧР-ни джамагъат организацияларыны Миллетле арасы советини председатели, «Русь» организацияны башчысы Евгений Жедяев, КъЧР-ни Халкъ Джыйылыууну (Парламентини) комитетини председатели Биджев Исмель, Малокурган эл школну устазы Дугужева Светлана, «Бирлик» джамагъат организацияны джаш къауумуну башчысы Гужев Эльдар – бир аууздан ол оюмну айтхандыла.
Ахырында депортацияны ууундан ачыгъан къарачайлылагъа аталгъан мемориалгъа джыйылгъанла, гокка хансла салыб, дууа окъуб чачылгъандыла.
Джыйылгъанланы алларында сёлеше, республиканы Башчысы сюргюнде 43 минг адамын тас этген къарачай миллет сынмагъанын, тюзлюк хорларына ышаныуун тас этмегенин, халал уруннганы шохлукъну, къарнашлыкъны, бирси инсанлыкъ шартланы къаты тутханы бла ачы къыйынлыкъны хорлагъанын, тилин, адебин-намысын, культурасын да сакълаялгъанын чертгенди.
- Бирикмеклик, шохлукъ, къарнашлыкъ, халал урунуу рахатлыкъны тамалы болгъанларын кёргюзеди халкъларыбызны тарихи. Бюгюн баш борчубуз депортацияда ачыгъанланы эсде сакълауду, мындан ары аллай къыйынлыкъла болмазча этиудю, - дегенди Башчы.
Бушуу митингде сёлешген башхала да - муфтий Бердиланы Исмаил хаджи, Уллу Ата джурт къазауатны ветеранларыны Къарачай шахарда советини председатели Алийланы Ракай, КъЧР-ни джамагъат организацияларыны Миллетле арасы советини председатели, «Русь» организацияны башчысы Евгений Жедяев, КъЧР-ни Халкъ Джыйылыууну (Парламентини) комитетини председатели Биджев Исмель, Малокурган эл школну устазы Дугужева Светлана, «Бирлик» джамагъат организацияны джаш къауумуну башчысы Гужев Эльдар – бир аууздан ол оюмну айтхандыла.
Ахырында депортацияны ууундан ачыгъан къарачайлылагъа аталгъан мемориалгъа джыйылгъанла, гокка хансла салыб, дууа окъуб чачылгъандыла.
ЁЗДЕНЛАНЫ Якъуб.
{jcomments}
