Уллу Хорламны 80-джыллыгъыны аллы бла Къарачай-Черкесиядан 300-ге джууукъ сохта джигит-шахар Волгоградха къонакъгъа барлыкъды.

Ала анда шахарны тарих магъаналы джерлерине айланныкъдыла.
«Есть такая профессия – Родину защищать» деген девиз бла Патриот, спорт эмда къоруулау-кёбчюлюк ишлени айында эм иги джетишимлеге ие болгъанла табарыкъдыла эркинлик ол джолоучулукъгъа атланыргъа.
Къарачай-Черкес Республиканы Башчысы Темрезланы Рашид регионда не джаны бла да юлгюге тыйыншлы сохталагъа къралыбызны махтаугъа бёленнген шахарларыны бирине турну саугъа этгенди. Анга да сейирсинирге керек тюлдю – аллай джолоучулукъ ёсюб келген джаш адамланы джюреклеринде патриот сезимлени чыныкъдырлыгъына сёз да джокъду.
– Волгоград, алгъыннгы Сталинград, шахар ючюн Уллу Ата джурт къазауатны кёзюуюнде эм къаты сермешиулени бири баргъанды. Аллай джерлеге барыу, айтыргъа, Мамай тёбеге, «Сталинград сермешиу» музей панорамагъа, Павловну юйюне, «Джан берген джигитлени» майданына, сабийлени ангыларын, билимлерин ёсдюрлюкдю. Ала бизни уллу къралыбызны чексиз бай тарихи бла шагъырей боллукъдула, аланы джюреклеринде ёхтемлик сезимле тамыр иерикдиле, – деб чертгенди Темрез улу.