Мындан алда Садовое элни школунда «Солнышко» атлы саулукъ сакълау лагерде автоинспекторла «Диалог безопасности» деген ат бла иш бардыргъандыла.

Кърал автоинспекцияны къуллукъчулары аллай ишлени сабийле джолда джюрюуню джорукъларын билир ючюн этедиле. Уллуланы эслерин сабийле къошулуб болгъан джол чарпыулагъа, аланы чурумларына бёледиле. Бардырылгъан ушакъны кёзюуюнде сабийле берилген соруулагъа сюйюб джууаб бергендиле, инспекцияны къуллукъчуларына джолда джюрюуню джорукъларындан билгенлерин айтхандыла. «Диалог безопасности» деген ат бла бардырылгъан иш, «Дорожный знак» деб къуралгъан тепсеу бла бошалгъанды.
Багъалы атала бла анала! Сабийлеригизни хар заманда да кёз туурада тутугъуз. Алагъа мотоцикллени, машиналаны ачхычларын бермегиз. Сынам болмагъанлай, скутерлени, мопедлени джюрютдюрмегиз.

Доюнланы Аскер,
«Адыге-Хабльский» ДПС-ни тамада инспектору, полицияны капитаны.