Темрезланы Рашид Владимир Путинни Россия Федерацияны Президентини келир сайлауларына къошулургъа дегенин сынгар тюз оноугъа санайды.«Кесин кёб сакълатхан эмда сынгар тюз оноу. Бусагъат дунияда сыйы бек уллу болгъан политиклени бири - миллионла бла россиячыла джазыуларын ышаннган адам – Владимир Владимирович Путин Россия Федерацияны Президентини келир сайлауларына къошулургъа деб оноу этгенди бу кюнледе.
Бу магъаналы оноу къуру ол сайлау кампанияны джюрюшюн белгилеген бла къалмай, Россияны келир заманыны халын да белгилерикди.
Къралыбыз кесини джангы тарихинде ичинден, тышындан да тюрлю-тюрлю тыйгъычлагъа тюртюлюб, кёб чайкъалгъанды. Бюгюн да аны тёрт джанындан къысаргъа излеб тургъанларын кёребиз. Россияны кючлю болурун излемеген къауум, хыйла, фитна этиб, бола тургъан затланы терс кёргюзюб, ётюрюкню джайыб, дунияны аллында аны сыйын тюшюрюрге кюрешеди. Алай болса да хар бирибизде кёлню рахат этген бир зат барды - ол Россия къачан да уллу кърал болуб тургъанды, мындан ары да боллугъу алайды деген сезимди. Бизни, россиячыланы, джюреклерибизге ол ышанмакълыкъны орнатхан Владимир Путинни акъыллы, ачыкъ, кючлю политикасыды. Ма аны ючюн бу оноуу, Россияны Президентини сайлауларына къошулургъа дегени, бизни къралны тарихине эмда хар бирибизге тамам уллу магъанасы барды.
Аллыбызда сайлаулада Владимир Владимирович хорламлы боллугъуна мени ишегим джокъду! Бизни къралны адамлары анга толу ышаннганларына да ишексизме. Алай демеклик, Уллу Эресей энтда эм азында алты джылны бизни миллет лидерибизни деменгили къолларында турлукъду», - деб билдиргенди Къарачай-Черкесияны Башчысы Темрезланы Рашид.
{jcomments}
