Полицияны къуллукъчулары, КъЧР-ни МВД-ны Джамагъат советини келечилери, «Движение Первых» деген джаш тёлю къозгъалыуну алчылары, Физкультурникни кюнюне атаб, «Лесной» лагерде солугъан сабийле бла «Зарядка со стражем порядка» деген бютеу Эресей акцияны бардыргъандыла.

«Лесной» деген саулукъ сакълау лагерде спорт байрам къуралгъанды – КъЧР-ни МВД-ны къуллукъчулары сабийлеге зарядка этдириб, аланы саулукъну эмда спортну дуниясына тюшюргендиле. Сабийле зарядкагъа тири къошулгъандыла, саулукълу джашау бардырыргъа хазыр болгъанларын да кёргюзгендиле.
Аны бла бирге полицияны къуллукъчулары мастер-классла бардыргъандыла, сабийле кеслерин къоруулай билирча лагъымлагъа да юретгендиле.
Акцияны тамалында КъЧР-ни МВД-ны Джамагъат советини келечиси Аппакъланы Ахмат «Безопасность в сети Интернет» деген темагъа сабийле бла ушакъ бардыргъанды. Ол джаш адамлагъа интернетде танымагъан адамлары бла сёлешмезге кереклисин, ышаннгысыз затланы юсюнден ата- аналагъа билдирирге тыйыншлысын ангылатханды. Аппакъланы Ахмат ётюрюк хапарланы джаяргъа джарамагъанын, алай этгенле джууабха тартылгъанларын да айтханды.
Сабийле бла тюбешиу джарыкъ халда ётгенди. Ала «Зарядка со стражем порядка» деген акциягъа сюйюб къошулгъанлары таныла эди.

КъЧР-ни МВД-ны пресс-къуллугъу.