Мындан алда Къарачай-Черкес Республиканы Правительствосуну Председателини биринчи заместители Байчораланы Эльдар, Россия Федерацияны эл мюлк министри Александр Ткачёв бардыргъан «Об итогах развития агропромышленного комплекса России в текущем году и задачах на 2018 год» деген Бютеуроссия кенгешге къошулгъанды.
Кенгешчилеге Александр Ткачёв ёсюмлюк, малчылыкъ санагъатлада хал къалай болгъаныны, келлик 2018-чи джыл къралны агропромышленность комплексине къаллай болушлукъ этиллигини, федерал программала джашаугъа къалай кийирилликлерини юслеринден хапар айтханды.
Къарачай-Черкес Республикада агропромышленность комплексни ёсюмю мийик дараджагъа чыкъгъанын айтыб, бизни республиканы махтадыла. Арт 14 джылны ичинде эл мюлк производствону индекси 72 процентге ёсгенди. Къылчыкълыланы эмда шекер чюгюндюрню битиминден республика Россия Федерацияда 5 алчы регионну бири болгъанды.
Александр Ткачёв Байчораланы Эльдарны республиканы мийик джетишимлери ючюн Россия Федерацияны Эл мюлк министерствосуну баш саугъасы бла - Хурмет грамотасы бла - саугъалагъанды.
 
ЛЕПШОКЪЛАНЫ Хусеин. 
 
{jcomments}