«Россети Шимал Кавказ» компанияны Къарачай-Черкес бёлюмюню усталары 2025-чи джыл республиканы энергообъектлеринде связны волокон-оптика линиялары (ВОЛС) бла байламлы уллу иш этгендиле.

Энергетикле связны интернет провайдерлери эмда операторлары бла 20 кесаматха эмда къошакъ халда келишиулеге къол салгъандыла. Алай бла, 19305 элетрокъууат линияда (ЛЭП) ВОЛС-ну салыргъа законну тамалында амал чыкъгъанды. Ол зат 2025-чи джыл законну бузулгъанын ачыкълагъан джумушлагъа джууабды.
ЛЭП линиялада ВОЛС-ну законсуз орнатыу регионда электрокъууатны системасын къарыусуз этеди, план бла белгиленнген ремонт ишлеге чырмау болады, технология джаны бла заран салады. Эм ахырында уа, энергообъектлени ишлери аманнга айланады.
Аны бла да къалмай, техника джаны бла иги къорууланмагъан объектледе ишлеген адамны джанына къоркъуулуду. Ол затланы эсге алыб, ток баргъан джерде не тукъум иш да къоркъуусуз болурча, мизамгъа-джорукъгъа келиширча этиуню магъанасы уллуду.
Бу джумушну юсюнде законну-джорукъну сакъланыууна къарау 2024-чю джылдан бери барады. Ол кёзюуню ичинде 33156 джорукъ бузулууну ачыкълагъандыла устала.