«Нени да хорлам ючюн» деген Эресей акцияны тамалында Къарачай-Черкесияда Халкъ фронт «Терек» бригаданы аскерчилерине кёзюулю болушлукъ джибергенди.

Сёзсюз да, ала УАЗ «Хантер» автомобилге бек къууаннган болурла.
– Халкъ фронтну кючю бла аскерчиле, «Терек» бригадада уруш этгенле, УАЗ автомобилни аллыкъдыла. Аны тыйыншлы джерине ашырыргъа деб джыйылгъанбыз былайгъа. Автомобиль иги болумдады, бузукъсуз ишлерикди. Ол себебден аскерчилени кёб джумушларына джарарыкъды. Алларында тургъан аскер борчларын толтурургъа болушурукъду, – дегенди Къарачай-Черкесияда Халкъ фронтну регионал исполкомуну члени Денис Струговцов.
Бизни республикадан ашырылгъан улоу аскер къаугъа болгъан джерде хайырландырыллыкъды. Аны бла къыйын джоллада джюрюрге боллукъду, джангурда, къарда да ол тыйгъычсыз ёрге да, энгишге да тюшерикди. Ол себебден аллай машиналаны аскер къаугъагъа къошулгъанла багъаларын биледиле.
– Джолланы джырыб ётюучю техника, бютюн да внедорожникле, азыкъ ташыргъа бек керек боладыла, аны бла да къалмай, ала аскер джумушлада да иги джарайдыла. Ол себебден, бу улоу ючюн «Терек» бригаданы тамадаларыны атындан уллу разылыкъ билдиреме, – дегенди СВО-ну ветераны Роман Васюков.
Республикадан ашырылгъан бютеу гуманитар болушлукъ КъЧР-ни Башчысы Темрезланы Рашидни башламчылыгъы бла къуралгъан республикан штабны юсю бла барады.