«Салам сизге тыш къралдан! Бусагъатда Нью-Йоркда джашайма. Джюк ташыгъан компанияда ишлейме. Джашасын, джашнасын "Къарачай" газетибиз!

Аперим, газетни этген адамлагъа. Ишигиз тынч тюлдю. «Къарачай» газетни бек сюйюб окъуйма. Джуртдан тышында джашагъанлагъа кесинги миллетинги, республикангы юсюнден хапар билирге таблыкъ береди газетибиз. Ол къалай игиди. Бютюн да игиси уа – кесинги ана тилингде окъугъанынг. Аны татыуу башха тюрлю сейирди. Аллах разы болсун сизге».
Быллай бюсюреу сёзле бу джол Зеленчук районну Сторожевой элинде туугъан Тотуркъулланы Магометни джашы Алибекдендиле. Ол бусагъатда Американы Бирлешген Штатларындады. Мындан алда Швейцариядан келген эди разылыкъ къагъыт. Сау болсунла газетибизге багъа берген джашла. Къайда айлансала да, чырмаусуз болсунла.