Хычаман (май) айны 17-ден 21-не дери Экспорт бла кюрешген эресейчи аралыкъ Къытайны Харбин шахарында «Сделано в России» деген фестивалны-джармалыкъны джетинчи кере бардырлыкъды.
Ол «Российско-китайское ЭКСПО» деген X-чу кёрмюч бла бирге Харбинде халкъла арасы сатыу-алыу-экономика джармалыкъ бардырылыучу джерде ётерикди.
Джармалыкъны официал халда хычаман (май) айны 18-де ачар мурат барды. Алай болса да, ол хычаман айны 17-де эшиклерин ачарыкъды. Анга Экспорт бла кюрешген аралыкъны баш директору Вероника Никишина бла Къытайны кърал къуллукъчулары къошуллукъдула.
Харбинде фестиваль-джармалыкъ быйыл ючюнчю кере бардырыллыкъды. Бютеулей да Экспорт аралыкъ Къытайда «Сделано в России» деген фестивалны-джармалыкъны алты кере къурагъанды. Биринчи кере ол 2014-чю джыл, Къытайдача, Джангы джылны аллы бла, Шэньян бла Далянь шахарлада ётгенди.
Фестивалда-джармалыкъда Эресейден агропромышленность товарла, косметика, ювелир затла чыгъаргъан 100-ден аслам компания кесини продукциясын кёргюзюрюкдю. Аны бла да къалмай, къралны 40-дан аслам регионундан турист санагъатны келечилери эмда онлайн халда билим бериу бла кюрешгенле къонакълагъа кеслерини джумушларын теджерикдиле.
Джармалыкъгъа къошулгъанла тюрлю-тюрлю эресейчи хантланы да кёрюр мадар табарыкъдыла. Алайда Эресейден баш шапала блинле бла сырникле этиб, джамагъатны сыйларыкъдыла. Продукцияны «Сделано в России» деген миллет тюкенде неда Къытайны маркетплейслеринде сатыб алыргъа боллукъду. Белгили къытай блогерле фестивалны площадкалары бла къралда джашагъанланы шагъырей этерикдиле.
Фестивалгъа-джармалыкъгъа къошулур ючюн, эресейчи экспортёрла «Сделано в России» деген программаны сайтында (https://madeinrussia.com/ru/events) заявкала берирге керекдиле. Сайтда экспорт аралыкъны болушлугъу бла тыш къраллада бардырыллыкъ ишледен хапарлы болур мадар барды.
Экспорт аралыкъ «Сделано в России» деген миллет брендни тыш къраллада белгили этиу бла кюрешеди. Аны программасын РФ-ны Президенти Владимир Путинни аманаты бла 2025-чи джыл байрым (февраль) айда Эресейни Правительствосу джарашдыргъанды. Аны баш мураты эресейчи продукцияны дуния-
ны къралларында белгили этиудю.
(БИЗНИ КОРР.).
