Багъалы джердешле! Сизни кърал байрам бла – Эресейни кюню бла – таза джюрекден алгъышлайбыз.

Бу байрам мингле бла джылланы теренинден келген тарихи болгъан Эресейни эркинлигини, кючлюлюгюню, кёб миллетли халкъыбызны бирлигини, урунууда джетишимлери бла къралыбызгъа ёсюм алдырыб кюрешген тёлюлени арасында байламлылыкъны джарыкъ белгисиди.
Эресей хар бирибизни да джюрегибиздеди. Аны ангылайбыз. Бирикген, кючлю Ата джуртубузну тамблагъы кюнюне джууаблы болгъаныбызны сезебиз.
РФ-ны Президенти Владимир Путин: «Эресейни кючю бизни кесибизни ичибиздеди», – дегенди. Аллайын, къралыбызны кючю аны халкъыны, адетлерини, маданиятыны ичиндеди. Эресейни халкъларыны бирлигини джылы да ол затланы эсибизге салады.
Къарачай-Черкесия да, Эресейни бёлюнмезлик кесеги болуб, аны айнытыугъа юлюш къошханы бла ёхтемленебиз. Уллу регионал проектле бла программаланы толтуруу, промышленность, табышлылыкъ бла кюрешгенлени, алимлени, врачланы, устазланы, спортчуланы, малчыланы, джерчилени, маданият къуллукъчуланы, волонтёрланы ишлери бла джетишимлери регионубузгъа, къралыбызгъа да ёсюм алдырадыла. СВО-гъа къошулуб, Ата джуртубузну эркинлигин джакълаб кюрешген джердешлерибизге, ётгюрлюклери бла джигитликлери ючюн, айырыб уллу бюсюреу этебиз.
Сыйлы джердешле, Ата джуртха терен сюймеклигигиз, бирикгенигиз, халал уруннганыгъыз ючюн, сизге разылыгъыбызны билдиребиз.
Насыблыла, саулукълула, джетишимлиле болугъуз!

Къарачай-Черкес Республиканы Башчысы
ТЕМРЕЗЛАНЫ Рашид
Къарачай-Черкес Республиканы Халкъ
Джыйылыууну (Парламентини) Председатели
ИВАНОВ Александр
Къарачай-Черкес Республиканы
Правительствосуну Председатели
АРГУНОВ Мурат.