Къарачай-Черкесияны Башчысы Темрезланы Рашид, кеси разылыкълары бла къралыбызгъа аскер къуллукъ этерге кёллениб, РФ-ны Къоруулау министерствосу бла кесамат этген джердешлерибизге бир кереге федерал дараджадан берилген 400 минг сомгъа регионал дараджада да 3,1 мелиуан сом къошаргъа дегенди.

Республиканы Башчысы Темрезланы Рашид кесаматны тамалында аскер къуллукъ этерге излеген джердешлерибизге РФ-ны Къоруулау министрествосу берген ачхагъа къошакъ этиб, ала айлыкъларындан тышында бир кереге 3,5 мелиуан сом алырча этеригин баямлагъанды. Темрез улу бу оноуу бла байламлы Указгъа къол салгъанды.
Алай бла, айлыкълары да къошулуб, аскер къуллукъ этерге Къарачай-Черкесияда кесамат этгенле бир джылгъа 6 мелиуан сомдан аслам аллыкъдыла.