Бу кюнледе КъЧР-ни Башчысы Темрезланы Рашидни излеми бла регионда отлукъну сатыу-алыугъа къараргъа къуралгъан ишчи къауумну кенгеши болгъанды. Аны КъЧР-ни Правительствосуну Председатели Мурат Аргунов бардыргъанды.

Кенгешге Правительствону къуллукъчулары, Монополиягъа къаршчы федерал къуллукъну КъЧР-де управлениесини тамадасы, джамагъатны отлукъ бла баджаргъан станцияланы келечилери къошулгъандыла.
Ала джамагъатны отлукъ бла баджаргъан станцияланы ишлерин сюзгендиле. Анда айтылгъаннга кёре, бюгюнлюкде адамланы, организа- цияланы отлукъ бла баджарыуну ауурлугъу джер-джерде заправкалары болгъан уллу компаниялагъа салыннганды. Энчи АЗС-лери болгъанла да ишлейдиле. Ала бары да нефтден этилген затланы бирден кёб алыб, келтирир мадарла этгенлей турадыла.
Этилген мадарланы себебинден, джамагъат улоу джюрюучюсюча джюрюйдю, коммунал къуллукъну, башха къуллукъланы да ишлери отлукъ керекли джарсымайды. Ала бары да тыйышлысыча баджарыладыла.
Кенгешни ахырында КъЧР-ни Правительствосуну Председатели Мурат Аргунов шахарлада, районлада бу ишге джууаблы адамла бары биригиб, отлукъну сатыуну-алыуну мониторингин бардырыб, водителле джарсымазча этиб турургъа керек болгъанларын айтханды. Не тукъум тюрлениуге да хазыр болургъа, керекли амалланы эте барыргъа тыйыншлы болгъанын чертгенди.