Аскер къаугъаны ветераны Хатууланы Темирланнга къол бла ишлеген автомобиль берилгенди. «Ата джуртну къоруулаучула» кърал фондну джергили бёлюмю анга къайгъырыу танытханлай турады.

Ауур джаралы болуб, юйюне джыйылгъан джердешибизге бу улоу бек джарарыкъды.
Аскер борчун толтура, Темирлан къыйын болумгъа тюшюб, аны аякъларыны тюб джанларын кеседиле. Автомобилни «Ата джуртну къоруулаучула» кърал фонд бергенди, аны ачхычларын фондну джергили бёлюмюню тамадасы Абазалыланы Марат табдыргъанды.
– Бизни баш борчубуз аскер къаугъаны хар ветеранына комплекс болушлукъну теджеудю, аякъ юсюне турургъа, джашау- да орун айырыргъа болушууду, – дегенди РФ-ны къоруулау министрини орунбасары, фондну тамадасы Анна Цивилева.
Хатууланы Темирлан бла юй бийчеси фондну къуллукъчуларына разылыкъларын билдиргендиле. Ала айтханнга кёре, фондну къайгъырыуу бла реабилита- циягъа джараулу затла бла баджарылгъанды юйдеги, къол бла ишлеген автомобиль турмуш джашауда алагъа бек джарарыкъды.