Республиканы больницаларына ауругъанлагъа реабилитация этерге мадар берген 61 тюрлю медицина оборудование берилгенди.

«Аякъ юсюнде узакъ ёмюр» миллет проектни «Оптимальная для восстановления здоровая медицинская реабилитация» деген федерал программасыны тамалында берилгенди оборудование.
КъЧР-ни тёрт ара район больницасында ала бла хайырланыб тебрегендиле: Гитче Къарачай, Джёгетей Аягъы, Уруп эмда Хабез районлада.
Келген медицина техниканы устала къараб джарашдыргъандыла, аланы бузукълары болмагъанын бегитгендиле.
Аланы ичлеринде велоэргометр, функционал терапиягъа джараулу интерактив-реабилитацион тренажёр, солуу органланы тазалагъан система, чабаргъа багъышланнган джолчукъла, когнитив функциялары къарыусуз ишлегенлеге болушхан система дагъыда башха аппаратла бардыла. Ала ауругъанланы дженгилирек аякъ юсюне салыргъа себеблик этерикдиле. Адамла, республиканы ара шахарына джол тутуб айланмай, районларында керекли болушлукъну табарыкъдыла.
– Бизни муратыбыз – республиканы къалайында да миллетге медицина джаны бла бирча тыйыншлы болушлукъ табдырыу. Ол себебден саулукъ сакълауну материал-техника базасын мындан ары да игилендиргенлей барлыкъбыз, – деб джазгъанды КъЧР-ни Башчысы Темрезланы Рашид МАХ-да кесини каналында.