Эндреуюк (декабрь) айны 3-ден 13-не дери басма изданиелеге 30 процентге учуз джазылыргъа боллукъду. Эресейни Почтасы басма юйле бла бирге 1700-де артыкъ газет бла журналны багъасын тюшюргенди.

Ол мадар бла почта бёлюмледе, Эресейни Почтасыны сайтында, мобиль приложениесинде, почтальонлада касса терминалла бла хайырланыргъа боллукъду. Газетле бла журналланы кесигизге неда Джангы джылгъа саугъагъа джууукъларыгъызгъа-тенглеригизге джаздырыргъа боллукъсуз.

Андан сора да, Эресейни Почтасы «Дерево добра» деген сууаблыкъ акцияны бардырады. Акцияны себебинден сабий юйге, школгъа-интернатха неда къартла тургъан юйге газетге джаздырыуну саугъа этер мадар барды. Аны багъасын да сайтда неда почта бёлюмде карта бла тёлерге болады.

Эресейни Почтасыны каталогуна 5 минг издание киреди. Аланы арасында джамагъат-политика, кёз ачыу, тюрлю-тюрлю санагъатланы юслеринден газетле бла журналла бардыла. Сайтда керекли изданиени аты бла, темасы бла неда джаздырыу индекси бла табаргъа боллукъду. 

ЁЗДЕНЛАНЫ Рашид,

КъЧР-де УФПС-ни къуллукъчусу.