КъЧР-ни Правительствосуну Председателини орунбасары Евгений Гордиенкону башчылыгъы бла къурулуш материалланы багъаларын эсебде тутууну юсюнден санагъатла арасы кенгеш бардырылгъанды.
Кенгешге къошулгъанла къурулуш материалланы багъалары ёсмезча деб къуралгъан мадарлагъа къарагъандыла, товарлагъа багъала салыуну эмда аланы сатыб алыуну юсюнден законлада джазылгъанны сюзгендиле.
Кенгешде Монополиягъа къаршчы федерал къуллукъну келечилери да къошулгъан комиссия къураб, къурулуш материалла сатылгъан джерлеге кёзюу-кёзюую бла къарай турургъа оноу этилгенди.
Алгъаракълада КъЧР-ни Къурулуш бла ЖКХ министерствосуну ишчи къаууму къурулуш санагъатда табышлылыкъ бла кюрешгенлеге болушлукъ этерча мадарла къурагъан эди.
Евгений Гордиенко чертгенден, КъЧР-ни Къурулуш бла ЖКХ министерствосу ол джаны бла баджаргъан ишлени себебинден социал магъаналы объектлени къурулушлары тохтамагъанды.
