Ол акъ къайын терекни тыш къабугъундан кёнделен, белкъау ёседи, бир-бирлерини энлери джарты метрге джетеди, бир-бир мийик тереклени джарылгъанларында 15 метрге дери да болады. Гуммосну ортача ауурлугъу 2 килограмм чакълыды, кесини да тышы къара, хуртда тешиклиди. Ичи бауур бетлиди, бек къатыды. Терекге джабышхан неда ёсюб чыкъгъан джаны джарыгъыракъды, ууакъ сары ызчыкълары барды, джумушакъды. Гуммос асламысына къабукъну къыяуу болгъан джеринден чыгъады. Ол чегетледе излениб табылады. Таблыгъы табаргъа терен кюз айладан тебреб, джаз айланы башланнган кёзюулерине дериди, аны табхан тынчды. Нек десегиз, ол кёзюуледе тереклени чапыракълары тюшюб, иги кёрюнеди. Гуммос джаш къайын терекледе болмайды, къуу терекледе ууалыб тюшеди да, орнуна дарманнга джараусуз гуммосчукъла чыгъадыла.

Сау тереклени гуммосларыны тюблеринден кёрюннген къара, ууакъ гуммосчукъла дарманнга джарамайдыла. Гуммосну тогъай джылны джыяргъа боллукъду. Терекни къабугъундан балта бла кесиб алынады, керексиз затларындан ариулагъандан сора, балтачыкъ бла ууакълаб 5-6 сантиметр этиб, не кюнде, не иссилиги 50-60 градус болгъан ыхтауда неда от джылыуда кебдирилиб джыйылады.
Акъ къайын гуммос ашхын ауруулагъа, бауур, тамакъ ауруулагъа, артыкъсыз да бек, эшек гуммосну багъаргъа хайырландырылады. Кебмеген гуммосну къыргъычдан ётдюрюб, кебдирилген гуммос эсе уа, мылы этер ючюн сууукъ къайнагъан суугъа атыб, 4 сагъатны тутаргъа керекди. Аны да къыргъыч бла ууакълаб, гуммос бла сууну келишиулерин 1:5 этерге тыйын- шлыды. Бу марда да гуммос бла къайнагъан, 40-50 градус джылыуу болгъан сууну алыб, бир-бирлерине къатышдырыб, башын джабыб, 48 сагъатны юй хауада тутаргъа керекди, андан сора, сууун башха сауутха къуюб, сауутда къалгъан гуммосну сыгъыб, аны сууун да чыгъарыб, ол сууундан алгъа алыннган суугъа къошуб, кюнюне юч стаканны, ашарны аллы бла аз-аз урт- лай, юч-терт кере ичигиз. Сёз ючюн, 200 грамм ууалгъан гуммосну джылыуу 40-50 градус болгъан бир литр къайнагъан суугъа атыб, 48 сагъат тутхандан сора суу кисей бла сюзюб, ол сюзюлмени ичигиз, аз-аз эки кюнню.