Ала бизни республикада бу тукъум олимпиадада алчы орунлагъа ие болгъан сохталадыла: Къарданик стансени 1-чи номерли школуну сохтасы Ижаланы Мадина, Черкесскеде 9-чу номерли гимназияны окъуучусу Гонова Лия, Первомайское элде 6-чы номерли школну сохтасы Тураханова Азиза.
Чёб атыуну юсю бла биринчи оюннга Ижаланы Мадина къошулуб, кесини билими бла кёблени сейирсиндириб, олимпиаданы джарым финалына киргенди.
Гонова Лия бла Тураханова Азиза, теоретиклеча, олимпиадагъа къошулгъанлагъа теджелген соруулагъа джууаб этгендиле. Азиза Тураханова бир орден бла бир медалгъа тыйыншлы болгъанды. Лия Гоновагъа юч орден бла бир медаль берилгенди.
Гонова Лия ючюнчю кюн оюннга къошулуб, «Русьну тарихи Василий I-ден Василий III-ге дери» деген тема бла байламлы соруулагъа джууаб бергенди. Бу оюнда хорлагъан болмагъанды.
Алай а орденле бла медаллагъа ие болгъаны себебли ол да Бютеуроссия телевизион гуманитар олимпиаданы джарым финалына къошулургъа эркинлик табханды.
