Подробности
Мындан алда джыллада 3-ден 7 джылгъа дери къауум сабийлени сабий садлагъа джарашдырыу проблема джаш юйдегилени къыйнар ючюн къалмай эди. Алай болса да, Россияны Президенти Владимир Путинни май указларын толтуруугъа таяна, КъЧР-ни Башчысы Темрезланы Рашид, ол проблемалагъа къайгъырыб, бизни республикада ол къауум сабийле барысы да сабий садла бла баджарылгъандыла. Аны бла байламлы дагъыда бирси соруулагъа КъЧР-ни окъуу бла илму министри Инна Кравченко джууаб берди.

Подробности

Быйыл халкъыбыз сюргюнден къайтханлы 60 джыл толгъанды. Миллетни тарихинде майны 3-сю эм уллу байрамланы бириди. Алай а, аны халкъ къалай табханын, азатлыкъгъа къалай ие болгъанын барысы да билмейдиле. Ётген джолун унутхан халкъ келир заманда джангылмай къаллыкъ тюлдю, ол себебден бюгюн джашагъан адамла эмда келир тёлюле халкъыбызны зор бла кёчюрюлген джеринден ызына къайтарыр ючюн, кимле кюрешгенлерин, бу магъаналы иш къалай баргъанын билирге керекдиле.

Къарачай халкъны къыйын кёзюулеринде анга башчылыкъ этген адамла чыкъгъанлай тургъандыла, тюз джолну табыб, миллетге джарыкъ джашауну ачхандыла. Аллай гуждарла миллетге насыбха тууадыла. Орта Азия бла Казахстаннга Уллу Ата джурт къазауатны кёзюуюнде ёмюрлюк джашагъан джерлеринден къарачайлыланы, малкъарлыланы, чеченлилени эмда ингушлуланы бла къалмукълуланы кёчюргендиле. Бу миллетле барысы да Шимал Кавказда джашагъандыла. Башха джерледен да дагъыда кёб тюрлю миллетни кёчюргендиле.

Подробности

Картинки по запросу ахмат эбзеев депутат народного собрания кчрКъЧР-ни Парламентини депутаты Эбзеланы Ахмат «Детские сады - детям» деген проектни Къарачай-Черкесияда джашауда къалай баргъанын сюзюб эсеблегенди.

Бу проект Къарачай-Черкесияда арт кёзюуде къызыу джюрюш алгъанды. Бизни республика джамагъатны сабий садла бла байламлы излемлерин баджарыуда бюгюнлюкде алчы регионланы бирине саналады. 2012-чи джылдан бери бютеулей да мында 49 аллай учреждение ишленнгенди, аланы бир талайына деменгили реконструкция этилгенди. Аны бла бирге «школа+детский сад» деген формат бла ишленнген школлада эмда сабий садлада школгъа хазырлагъан къошакъ къауумла ачылгъандыла. Алада бютеулей да 6 минг бла 837 сабийге орун ачылгъанды.

Подробности

Къарачай-Черкес Республиканы эл мюлкюню джылдан джылгъа ёсе баргъаны хакъды. Малчылыкъда, джерчиликде, ёсюмлюкде, тыш къралладан келген затланы орунларын тутхан кесибизде кёб тюрлю зат чыгъарылады. Аланы юслеринден толу хапар билирге излеб, мен Къарачай-Черкес Республиканы эл мюлк министрини борчларын толтургъан Бытдаланы Шамшудинни джашы Дахирге тюбеб ушакъ этдим.

- Тышындан товар келтирилген азайгъанды. Аны бла байламлы къаллай ишле этиледиле? Арт джыллада кесибизни эл мюлк чыгъаргъан затла нелляй бирге кёлтюрюлгендиле?