Подробности

Бу кюнледе Байчораланы Мариям атлы Къарачай-Черкес кърал тарих-маданият эмда табигъат музейни-заповедникни мекямында «Дом национальностей» деген, тохтамай ишлеб турлукъ, кёрмюч ачылды.

Кёрмючню ачылыууна Къарачай-Черкес Республиканы Правительствосуну Председатели Аслан Озов, республикабызны маданият министри Рамазан Бороков, финансла министри  Сюйюнчланы Мурат, миллет ишлерини, кёбчюлюк коммуникацияла бла басманы юслеринден министрини орунбасары Хубийланы Ислам, башха кърал ишчиле, республикабызда джамагъат бирлешликлени келечилери, алимле, студентле, тарихни, этнографияны сюйгенле, журналистле джыйылгъан эдиле.

Подробности

 Арт джыллада Къарачай-Черкес Республикада спорт инфраструктураны къурулушу тири бардырылады.  Районлада, шахарлада спорт аралыкъла, бассейнле, спорт площадкала, футбол тюзле ишленедиле. Саулай да аллай объектле 60-дан асламдыла.

Быйыл Джёгетей Аягъы шахарда физкультура эмда саулукъ сакълау аралыкъ ачыллыкъды. Аны къурулушу къалай бардырылгъанына бу кюнледе Къарачай-Черкес Республиканы Башчысы Темрезланы Рашид къарагъанды. Аралыкъны тамалы уллу спортзалды, анда волейбол, баскетбол, гандбол эмда мини-футбол ойнарча неси да джарашдырыллыкъды.

Подробности

 Эресей Федерацияны Президенти Владимир Путин «Правда и справедливость» деген медиафорумну пленар кенгешини эсеблерине кёре талай джумушну белгилегенди, аланы толтурургъа деб, къол салыб бегитгенди. 

«Правда и справедливость» деген VI-чы медиафорумгъа Эресейни регионларында кёбчюлюк информацияланы бойсунмагъан мадарларыны келечилери къошулгъандыла.

Подробности
 Джыл сайын элия (июль) айны 14-де Къарачай-Черкес Республикада Эресейни Почтасыны кюнюн белгилейдиле.
Озгъан ыйыкъда республиканы почтасыны къуллукъчулары санагъат байрамларына республикан эмда джамагъат бирлешликледен къонакъла чакъырыб, къууанч халда джыйылыу бардырдыла.
«Эресейни Почтасы РФ-ны баш предприятиелерини тизимине киреди. Къралда болгъан предприятиеле бла тенглешдирсенг, Эресейни Почтасыны филиалларыны саны барындан да асламды. Аны 42 минг почта бёлюмюнде 300 минг ишчи къуллукъ этеди. Алай бла ол Эресейде эм кёб къуллукъчусу болгъан организациягъа саналады.

Подробности
Мындан алда Къарачай-Черкес Республиканы Эл мюлк министерствосуну бёлюмюню тамадасы Салпагъарланы Магомет Хакасия Республикада бардырылгъан «Современное состояние и пути развития пастбищного овцеводства и козоводства аридных территорий РФ, производство и экспорт продукции овцеводства» деген регионла арасы илму кенгешни ишине къошулгъанды.
Конференциягъа Эресейни Эл мюлк министерствосуну къуллукъчулары, Эресей Федерацияны регионларында къойчулукъну усталары, къралыбызда Къойчулукъ санагъатны миллет союзуну келечилери, малчылыкъ бла мал аш хазырлаудан илму-тинтиу институтланы илму къуллукъчулары, эл мюлкню усталары келген эдиле. Бютеулей конференцияны ишине 70 адам къошулгъан эди.

  1. Джаш тёлю джарсымаз ючюн
  2. Окъуу аралыкъ бла шагъырей болгъанды
  3. Сюйюб келедиле
  4. Джыйылыу болду
  • Вы здесь:  
  • Главная