Кёб болмай «Архыз» курортда 2840 метр мийикликде джангы база станция салыннганды.

2023-чю джыл КъЧР-ни Башчысы Темрезланы Рашид бла РФ-ны цифра ёсюмюню, связь бла кёбчюлюк коммуникацияланы хакъындан министри Максут Шадаевни тюбешиулеринде Къарачай-Черкесияда телекоммуникация инфраструктураны айнытыуну юсюнден сёлешиннген эди. Архызда джангы станция да аны себеби бла салыннганды.
Республиканы курортларын интернет бла баджарыу, связны дараджасын игилендириу баш ишлени биридиле. Ол ишни тамалында «Мегафон» ПАО кёб болмай Архызда 2840 метр мийикликде джангы база станцияны джарашдырыб бошагъанды. Станция «Аполлон» деген чынды джолну къатында орналгъанды.
Бу станция узунлугъу бла республикада экинчиди. Эм уллу станция Доммайда Мусса Ачыгъан тарда 3035 метр мийикликде орналыбды.
Джангы инфраструктура Архызны шимал эмда къыбыла тиклеринде лыжалада учханланы, «Дукка» деген турист джерге баргъанланы связь бла баджарыргъа мадар береди.
Энди республикада джашагъанла бла къонакъла тау джерледе да къызыу ишлеген 4G интернет эмда асыулу связь бла хайырланыргъа боллукъдула.

(БИЗНИ КОРР.).