Республиканы кюнюнде эмда Черкесск къуралгъанлы 200 джыл толгъан кюн республикан сабийле туууучу аралыкъда дуниягъа джаратылгъан сабийлени эмда аланы аналарын Къарачай-Черкес Республиканы Башчысы Темрезланы Рашидни атындан КъЧР-ни саулукъ сакълау министри Динара Камурзаева алгъышлагъанды.
Анда былай айтылады: «Сен, джангы туугъан сабийчик, бизни кюн турушлу республикабызны тарихине киргенсе, аны ашхы адетлерини, маданиятыны эмда дунияны сейирсиндирген ариулугъуну эм джаш иесисе. Сен, бизни насыб бурхучугъубуз, саулукълу болуб ёс, кюч-къа-
рыу ал. Эм джууукъ, эм татлы адамларынгы сюймекликлери сени къуршалаб турсунла. Сени туугъан джуртунг эмда деу къралынг Эресей сеннге къанат берсинле, онглу джетишимлеге кёллендирсинле, керти шохлукъну сынаргъа мадар берсинле. Джолунг джарыкъ эмда кенг болсун! Къарачай-Черкесияны уллу юйюрюне хош кел!»
Темрезланы Рашид МАХ мессенджерде чертгенине кёре, къралны Президенти Владимир Путин кёргюзген джол бла барыб, Къарачай-Черкесия, Демография ёсюмню джылында адамла узакъ ёмюрлю болур, иги джашар, сабийле насыблы болуб ёсер, хар юйдеги къралдан болушлукъну, джылыуну да сезер ючюн, мындан ары да кюрешгенлей турлукъду.




