Бу кюнледе «Архыз» курортда къралыбызда биринчи цифра джолну (тропа) теджегендиле. Ол проект «Пик Динника», «Перевал Федосеева», «Путь времен» маршрутланы бирикдиреди.

Алай бла, курортну къонакълары, телефонларын хайырландырыб, интерактив халда таулада солуу бла байламлы затланы, регионну табигъатыны, тарихини, маданиятыны юслеринден хапарлы боллукъдула.
Проектни презентациясы «ЦРИТ ИТ-Планета» АНО къурагъан «Технологии и практика цифровой трансформации троп природных парков» деген конференцияны кёзюуюнде бардырылгъанды. Анга къошулгъанла курортлада къоркъуусуз солургъа эмда заманны зауукълу ашырыргъа джангы технологияла къалай болуш-
ханларын сюзгендиле. Джыйылгъанланы алларында «Архыз» курортну баш директору Роман Киранчук сёлешгенди.
– Абишира-Ахуба тауну юсю бла баргъан цифра джол къонакълагъа телефонларында Къарачай-Черкесияны сейирлик табигъатына кёз ачар мадар берликди. Онлайн халда кёз ачханла алайыны табигъатындан сора да, Кавказны тинтген алимле бла шагъырей боллукъдула. Цифра джол башланнган джерде, «Орбита» деген чынды джолну баш станциясында, джерден чыкъгъан магъаданладан (горные породы) геология колонна да джарашдырылгъанды, – дегенди Роман Киранчук.
Айтыргъа, Архызда туризм санагъат бла байламлы федерал дара-
джалы проектле толтурулгъанлай турадыла. Цифра джол да аланы бириди. Ол республикабызны таби-
гъатын, маданиятын кёргюзген ашхы ишди.

(БИЗНИ КОРР.).

 
{jcomments}