Уллу Хорламны 74-джыллыгъына аталыб, Къарачай-Черкес Республиканы Туризмини, курортларыны эмда бла джаш тёлю политикасыны министерствосу «Георгиевчи лентачыкъ» деген акциягъа кенг джол бергенди.
- Уллу Ата джурт къазауат бошалыб, Уллу Хорлам кесини ёхтем байрагъын кёлтюргенли быйыл хычаман (май) айны 9-да 74 джыл болады. Аны бла байламлы бизни министерство «Георгиевчи лентачыкъ» деген акцияны башлагъанды. Ол республиканы бютеу шахарлары бла районларына да джайыллыкъды. Акцияны экинчи этапы хычаман (май) айны 9-да бардырыллыкъды, - деб хапар айтханды КъЧР-ни Туризмини, курортларыны эмда джаш тёлю политикасыны министерствосуну джаш тёлю политика бёлюмюню консультанты Текеланы Алина.
Ол бу акция бек керекли эмда магъаналы болгъанын чертгенди. Уллу Хорламгъа ие болур ючюн, бизни аталарыбыз эмда аккаларыбыз джанларын-къанларын аямай кюрешгендиле. Ёсюб келген тёлюле ол затны билирге керекдиле.
«Георгиевчи лентачыкъ» Уллу Хорламны баш белгисиди. Ол себебден волонтёрла да къошулуб министерствону къуллукъчулары лентачыкъланы республиканы джамагъатына чачарыкъдыла. Бюгюннгю джаш адамла Ата джуртларын сюерге, аны излемлерин неден да баш салыргъа быллай ашхы юлгюледе юренникдиле.
