Мындан алда Къарачай-Черкес Республиканы 6-чы кере сайланнган Халкъ Джыйылыууну (Парламентини) 3-чю кёзюулю сессиясы болгъанды.
Аны спикер Александр Иванов бардырды. Депутатла бютеулей да 29 соруугъа къарагъандыла.
Законлагъа, кърал къурулушха, кеслери оноуларын кеслери этген джергили органлагъа къарагъан комитет бир талай законопроект теджегенди. Аланы бир къаууму федерал законда тюрлениулеге кёре къуралгъандыла. Алай бла Къарачай-Черкес Республиканы «О мировых судьях в Карачаево-Черкесской Республике» деген законуна тюрлениуле къошулгъандыла. Алайды да джангы сайланнган сюдю къуллугъун толтуруб башлагъан кюнюнден сора бир айны ичинде ант этерге кереклиси белгиленнгенди. Отставкада болгъан джарашдырыучу (мировой) сюдюлеге удостоверениеле къалай берилирге кереклисини джоругъу бегитилгенди.
Андан сора федерал законну тамалында КъЧР-ни «О местном самоуправлении в Карачаево-Черкесской Республике» деген законуна да тюрлениуле киргизилгендиле. Алай бла муниципал къуралышлагъа «муниципал округ» деген ат къошулгъанды.
Бу джангылыкъ федерал законнга кёре этилгенди, ол КъЧР-ни джеринде джангы «муниципал округла» къураргъа мадар бермейди.
Андан сора депутатла КъЧР-ни «О внесении изменений в Закон Карачаево-Черкесской Республики «Об установлении пониженных налоговых ставок» деген законопроектине къараб, «О внесении изменения в Закон Карачаево-Черкесской Республики «О наделении органов местного самоуправления муниципальных районов и городских округов Карачаево-Черкесской Республики отдельными государственными полномочиями Карачаево-Черкесской Республики по организации предоставления гражданам субсидий на оплату жилых помещений и коммунальных услуг» деген законну проектин къабыл этгендиле.
Социал джаны бла сорууланы сюзе, «Об установлении величины прожиточного минимума пенсионера в Карачаево-Черкесской Республике» деген республикан законну проектине къарагъандыла. Пенсионерлени кечинмек мадарлары 2020-чы джылгъа 8846 сом боллукъду. Пенсиялары бу сандан аз болгъан адамла социал къошакъ ачха аллыкъдыла.
Эки кере окъулуб, «О единовременной денежной выплате, назначаемой в связи с рождением (усыновлением) второго ребёнка наделении органов местного самоуправления муниципальных районов и городских округов Карачаево-Черкесской Республики отдельными государственными полномочиями Карачаево-Черкесской Республики» деген регионал законопроект алыннганды.
Къарачай-Черкес Республиканы «Особенности регулирования земельных отношений в Карачаево-Черкесской Республике» деген законуну 12.1-чи статьясына да тюрлениуле къошулгъандыла. Кърал эмда муниципал энчиликде эл мюлкге джораланыб тургъан джерледен джангы джер участокла къурагъан сагъатда аланы ёлчемлери белгиленнгенди. Сёз ючюн, терек бачха къураргъа излегеннге 400 квадрат метр, бачха этерге излегеннге 500 квадрат метр, малчылыкъ бла кюреширге тырмашханнга 3000 квадрат метр бериледи.
Андан сора да законда белгиленнгеннге кёре кърал эмда муниципал энчиликде тургъан джерледен адамлагъа энчи мюлк къураргъа, энчи юйлени къурулушун бардырыргъа берилген джерлени къаллай бир боллукъларыны оноуун кеслери оноуларын кеслери этген джергили органла законну-джорукъну излемине кёре этедиле. Аны тышында пленар кенгешни депутатлары Къарачай-Черкес Республиканы комитетлерини юсюнден закон алгъандыла. Шимал Кавказ Парламент ассоциация бла Къыбыла Парламент ассоциацияны комитетлерини къурамына депутатла сайлангъандыла.
