Эресей Федерацияны Правительствосуну 2021-чи джыл алтотур айны 13-де 362-чи номерли бегими чыкъгъанды – «О государственной поддержке в 2024 году юридических лиц, включая некоммерческие организации индивидуальных предпринимателей в целях стимулирования занятости отдельных категорий граждан».

Программада айтылгъанына кёре, бир къауум адамланы ишге салгъан заманда иш бла баджаргъанлагъа этген джоюмларыны бир кесеги къайтарылады. Ол къауумгъа киредиле: 30 джылгъа джетмеген джаш адамла; ишлерин тас этерге боллукъ адамла; ишлерин тас этгенле; аскер къаугъагъа къошулгъанла эмда башхала.
Ишге джарашхан адам ючюн теджелген субсидия юч эм гитче иш хакъгъа (джашау кечинмекни мардасына) тенгди.
Иш бла баджаргъанлагъа ол ачханы кърал белгиленнген джорукъ бла тёлерикди. Айтыргъа, адамны ишге алыб бошагъандан сора, бир айдан ачханы биринчи кесеги иш бла баджаргъаннга берилликди.
Субсидияны экинчи кесеги, адамны ишге алгъандан сора, юч айдан бериледи. Ючюнчю кесеги субсидияны ишге джарашхан адам алты ай ишлегенден сора бериледи. Айхай да, иш бла баджарылгъан адамлагъа отуз джылдан кёб болмазгъа керекди.
Бу джорукъ иш бла баджаргъан адам ишге алыб, ачха къолуна тюшгенден сора, алгъан адамын ишден къыстаб, башханы алмаз ючюн этиледи. Айтыргъа, ачхагъа кёзю къараб, терс атлам этмез ючюн къуралгъанды бу джорукъ.
Къралдан бу ачханы алыр ючюн, иш баджаргъан адам кесини энчи кабинетинде «Работа России» порталны юсю бла тилек къагъыт джазаргъа керекди.