Эресей Федерацияны Президенти Владимир Путин интернетни къоркъуусуз хайырландырырча этерге, Ата джуртубузну мессенджерлерине ёсюм алдырыргъа борч салгъанды.
Кърал Башчыны ол излемин ВК-ны цифра платформасы МАХ мессенджерни ёсюмю бла байламлы толтурурчады.

Ол мессенджерде адамла бир-бирлери бла къоркъуусуз байламлы болгъанларыны тышында, нейропомощник, ачха ашырыргъа джараулу сервис, чат-бот конструктор дегенча таблыкъла бла хайырланыргъа боллукъдула.
8-чи номерли федерал законну тамалында кърал органла да, кеси башларына оноулу джергили органла да ол мессенджерде энчи официал аккаунтла къураб, джамагъатха билдирлик хапарларын анда баямлай турургъа керекдиле. Къарачай-Черкесияда ол иш тыйыншлысыча къуралгъанды. Республиканы 765 кърал паблиги 268 000 подписчикге хапар береди.
РФ-ны Цифра министерствосу бла «Диалог Регионы» АНО, ол кърал пабликлени ишлерине къараб, Къарачай-Черкесия кърал дараджада рейтингде тыйыншлы орун алгъанын чертедиле.
2025-чи джылны ал джарымына чыгъарылгъан эсеблеге кёре, бизни регион бютеу къралда 8-чи орунну алады, элия (июль) айны ахыр ыйыгъына чыгъарылгъан эсеблеге кёре уа, Къарачай-Черкесия барындан да башды.
Республикабыз алай джетишимли регионну бютеу кърал учреждениелери да келишиулю ишлегенлерини себебинден болгъанды. Кърал пабликлерибиз биргелей элия (июль) айда 25000 хапарны баямлагъандыла. Талай джылны мындан алда кърал пабликлеге джазылгъан адамланы саны 30 мингнге джете эди. Бусагъатда ол кёргюзюм 275 мингден атлагъанды.
Аланы кёбюсю. «лайкла» салыб, республиканы кърал органлары теджеген хапарланы джаратханларын билдиредиле.
Регионлагъа къарагъан аралыкъ да ауур джумушну бардырады. Аны усталары социал сетледе ишлерик къуллукъчуланы кърал пабликле къураргъа, аланы табыракъ бардырыргъа, адамланы кеслерини пабликлерине кёллендирирге юретедиле.

 
{jcomments}