«Герои Карачаево-Черкесии» деген билим бериу программа джетишимли толтурулады. Аны тамалында тюрлю-тюрлю санагъатланы усталары СВО-ну ветеранлары бла тюбешиб, алагъа джюрек излемлерине кёре иш сайларгъа, тынчлыкълы джашауда орун айырыргъа болушадыла.

Ма, бу кюнледе да, «Герои Карачаево-Черкесии» деген билим бериу программаны насихатчысы, Къарачай-Черкесияны эл мюлк министри Биджиланы Умар СВО-ну джигити-ветераны Акъбайланы Рашид бла тюбешгенди.
Рашид «Герои Карачаево-Черкесии» деген программаны тамалында бардырылгъан конкурсну юч дараджасындан да иги кёргюзюмле бла ётгенди.
Акъбай улу ушакъда эл мюлк бла кюреширге гитчелигинден бери излегенин чертгенди.
Кеси айтхандан, Рашид элде ёсгенди. Аладан узакъ болмай ат завод болгъанды. Анда атлагъа кёзю къараб, сабий заманында огъуна кеси атла тутаргъа излегенди.
«Герои Карачаево-Черкесии» деген программагъа къошулгъаныны себебинден, аны алай этер мадары боллукъду.
Бу билим бериу программаны тамалында Къарачай-Черкесияны эл мюлк министри Биджиланы Умар Акъбайланы Рашидге ол санагъатны иши къалай къуралгъанын айтырыкъды, эл мюлк бла кюрешгенлеге джараулу мадарланы хайырландырыргъа юретирикди.

 
{jcomments}