Джёгетей Аягъы райондан Борлакъланы юйдегилери бютеу Эресейде бардырылгъан «Семейная зарница» деген аскер-патриот оюнну заочно халда бардырылгъан эришиулеринде хорлагъан 24 юйдегини бири болгъанды.

Эришиулеге къошулгъанла кеслерини юслеринден хазырлагъан видеоларын кёргюзгендиле, Эресейни къраллыгъы эмда аскер тарихи бла байламлы билимлерин сынагъандыла.
Борлакъланы Зухра айтхандан, аны юйдегиси эришиулеге сюйюб къошулгъанды.
«Биз эришиулеге къарыуубузну-кючюбюзню аямай хазырланнганбыз. Сабийле да талпымакълыкъларын танытхандыла. Бу эришиулеге къошулгъаныбыз джюреклерибизни джарыкъ сезимледен толтургъанды», – дегенди ол.
Эришиулени финалы къыркъаууз (сентябрь) айда Волгоградда «Зарница 2.0» деген аскер-патриот оюнну тамалында ётерикди. Анда командала СВО-ну ветеранларыны башчылыкълары бла хазырланныкъдыла.
«Семейная зарница» деген проект РФ-ны къоруулау министрини орунбасары, «Защитники Отечества» деген кърал фондну Председатели Анна Цивилеваны башламчылыгъы бла толтурулады.
РФ-ны Президенти бу оюнну джыл сайын да бардырыб турургъа деген оюмну джакълагъанды.

(БИЗНИ КОРР.).

 
{jcomments}