Къарачай районну администрациясыны башчысыны къуллукъ борчларын Къараланы Барисбийни джашы Шамиль толтурлукъду.
Бу кюнледе Къарачай муниципал районну Депутат советини IV-чю чакъырыууну депутатлары, джергили администрацияны Гитче залына джыйылыб, кенгеш бардыргъандыла. Аны ахырында ала бары, бирден къол кёлтюрюб, Къарачай муниципал районну администрациясыны башчысыны къуллукъ борчларын толтурургъа Къараланы Шамилни тыйыншлы кёргенлерин билдиргендиле.
Къараланы Барисбийни джашы Шамиль 1980-чы джыл хычаман (май) айны 30-да Ташкёпюрде туугъанды. Къарачай-Черкес кърал университетни бошагъанды. 2009-чу джылдан 2024-чю джылгъа дери Къарачай-Черкесияны Халкъ Джыйылыууну (Парламентини) VII-чи чакъырыууну депутаты болуб тургъанды. Кеси да «Бирикген Эресей» политика партияны къурамындады.




