Бу кюнледе Москвада бардырылгъан уллу джыйылыуда РФ-ны экономика ёсюмюню хакъындан министри Максим Решетников РФ-ны Президенти Владимир Путиннге джай кёзюуде Къарачай-Черкесияда бек кёб адам солугъаныны юсюнден хапар айтханды.

Министр ол джаны бла РФ-ны регионларыны арасында Къарачай-Черкесия, Адыгея, Тёбен Новгород бла Тверь областла джетишимли болгъанларын чертгенди. Решетников айтхандан, арт кёзюуде тыш къраллы адамла да Эресейни ариу джерлеринде солургъа кёлленнгендиле.
Бу ишни юсюнден Къарачай-Черкесияны Башчысы Темрезланы Рашид да кесини Телеграм-каналында: «Бу джылны хычаман – никкол (май – июнь) айларында бизни регионда 230 мингнге джууукъ адам солугъанды. Джер-суу кёре, заманларын зауукълу ашырыргъа излеген адамла Къарачай-Черкесияны сайлагъанлары мында иги къонакъбайлыкъ этилгени бла бирге туризм инфраструктурасы таб джараша баргъанындан кёреме.
Джайны ахыр сюремине ол кёргюзюм танг кесекге ёсерине ышанама. Бютеулей алыб къарасакъ да, джылны ал джарымында бизни республиканы курортларына келген къонакъланы саны 1 мелиуан 428 минг болгъанды. Ол а, озгъан джылны ал джарымыны эсеблерине кёре, 60 мингнге кёбдю», – деб джазгъанды.

 
{jcomments}