Кёб болмай билдиргенибизча, Луганск Халкъ Республиканы бизни регион таймаздан болушлукъ этиб тургъан Старобельск районуна 360 школ рюкзак ашырылгъанды. Алайды да, ол рюкзакланы биринчи классха барлыкълагъа табдыргъандыла.
Старобельскени 1-чи номерли орта билим берген школуна 360 рюкзак берилгенди. Аланы ичлеринде биринчи классны сохталарына керекли затла болгъандыла. Бу ашхы ишге КъЧР-ни Башчысы Темрезланы Рашид башламчылыкъ этгенди.
Бизни региондан баргъан саугъаланы сабийлеге Старобельск районну администрациясыны башчысы Владимир Чернев бла КъЧР-ни келечиси Константин Андропов бергендиле. Быллай болушлукъ мындан ары да сериуюн боллукъ тюлдю.
КъЧР бла Старобельск район тенглик эмда шохлукъ джюрютедиле. Бизни республика оюлгъан социал объектлени, инженер инфраструктураны джарашдырыргъа болушады, эки субъектни арасында ёсюб келген джаш тёлюню патриотлукъгъа юретирге багъышланнган проектле ишлейдиле, къартлагъа, Уллу Ата джурт къазауатны ветеранларына къайгъырыугъа эс бёлюнеди.




