«Россети Шимал Кавказ» компанияны Къарачай-Черкес бёлюмюню усталары 2025-чи джылны аллындан бери тюрлю-тюрлю напряжениелери болгъан 143 километр электрокъууат линиягъа (ЛЭП) ремонт этгендиле.

Энергетикле ЛЭП-де 98 изоляторну, 176 багъананы, 18,5 километр чыбыкъны ауушдургъандыла. Электрокъууат баргъан 63 гектаргъа джууукъ джерни чырмауукъ эмда джараусуз хансдан, кёкенледен тазалагъандыла.
35-110 кВ подстанциялада ремонт ишле бардырылгъандыла: 140 джандырыучу-джукълатыучу, юч трансформатор эмда башха керекли затла ауушдурулгъандыла.
0,4-10 кВ сетледе 117 трансформатор подстанциягъа эмда 55 трансформаторгъа ремонт этилгенди.
Энергетикле къач-къыш кёзюуде ток бла адамла, предприятиеле да бютюн да аслам хайырланнган заманда электрокъууат линиялагъа ауурлукъ джетиб, ала «тирелиб» къалмазча кёб иш этгендиле. Ала, не къадар чыдамлы болурча, бузукъсуз ишлерча, адамла джунчумазча болум къурауну кеслерине баш борчха санаб, билимлерин-сынамларын къызгъанмай кюрешгендиле.
Былайда дагъыда бир затны чертерге тыйыншлыды: «Россети Шимал Кавказ» компания быйыл Къарачай-Черкесиягъа энергообъектлеге ремонт этиу бла байламлы программаны тамалында 231 мелиуан сом джиберликди. Ол былтыргъа кёре 6 процентге асламды.

 
{jcomments}