Бу кюнледе Эресейни футболдан экинчи лигасыны 24-чю турунда Черкесскени «Нарт» футбол клубу Хасавюртдан келген «Победа» команданы 1:0 эсеб бла хорлагъанды. Эришиуле Черкесскеде «Нарт» стадионда ётгендиле.

Оюн башланнганлай огъуна «Нартны» келечилери тириликлерин танытхандыла. Алайды да, «Нарт» клубда ойнагъан Ратмир Машезов оюнну 4-чю минутунда гол джыйгъанды. Экинчи таймда «Победа» командагъа алчы болургъа мадарла чыкъсала да, «Нартны» келечилери усталыкъларын танытыб, кеслерин хорлатмагъандыла.
Энди «Нарт» къыркъаууз (сентябрь) айны 6-да Краснодар крайдан «Кубань Холдинг» команда бла Ессентуки шахарда ойнарыкъыды.

(Бизни корр.).

 
{jcomments}