Черкесск шахарны багъалы адамлары эмда къонакълары!
Сизни барыгъызны да таза джюрекден алгъышлайбыз Къарачай-Черкес Республиканы кюню бла эмда Черкесск шахарны 200-джыллыгъы бла!
Бу кюн бизни барыбызгъа да багъалыды. Ол бизни барыбызны да, бир юйдегини адамларыча, бирикдирген кюндю. Бизни республика бла ара шахарыбыз не заманда да бизге багъалы болуб тургъандыла, мындан ары да болуб турлукъдула.
Биз барыбыз да ёхтемленебиз Къарачай-Черкес Республиканы культурада эмда урунуда джетишимлери бла, Черкесс шахарны махтаулу тарихи бла. Барыбыз да Къарачай-Черкес Республиканы джашауууна, ёсюмюне уллу юлюшюбюзню къошабыз. Республикабыз мелхумлу болса, Черкесск шахар да, республиканы башха районларыны шахарлары бла эллери да мелхум болмай, джашнамай къаллыкъ тюлдюле.
Къарачай-Черкес Республика эмда ара шахарыбыз Черкесск, ёсюмню джолунда барыб, бизни барыбызны джетишимле бла къууандырыб турсунла. Хар кюнюбюз хар юйге рахатлыкъ, къууанч, насыб келтирсин. Республиканы кюню эмда Черкесск шахарны 200-джыллыкъ юбилейи хар арбазны, хар юйню адамларыны эслеринде къалырча къууанчлы ётсюн!
Барыгъызгъа да сауаукъ-эсенлик, ишигизде джетишимле теджейбиз.
Эресей Федерацияны сенаторлары
Салпагъарланы Ахмат, Казаноков Крым.




