Къарачай-Черкесияны кюню эмда Черкесск шахарны 200-джыллыгъы белгиленнген кюн, айтханыбызча, бизни республикагъа хоншу регионладан да кёб къонакъ келген эди. Аланы арасында Къыбыла Тегейни Президенти Алан Гаглоев да болгъанды.
КъЧР-ни Башчысы Темрезланы Рашид Къыбыла Тегейни Президенти Алан Гаглоев бла тюбешгенди. Ала сатыу-алыу, экономика санагъатланы, маданият-гуманитар ишлени юслери бла Къарачай-Черкесия бла Къыбыла Тегейни арасында байламлылыкъны ёсдюрюуню юсюнден сёлешгендиле.
Темрезланы Рашид чертгенден, эртдеден да эки республиканы арасында шохлукъ орналыбды.
«Биз мындан ары да тюрлю-тюрлю санагъатлада къысха байламлылыкъ джюрютюр ючюн кюреширикбиз», – дегенди Темрез улу.
КъЧР-ни Башчысы, республикагъа келгени эмда эс бёлгени ючюн, Алан Гаглоевге разылыгъын билдиргенди. Быллай тюбешиуле эки арада шохлукъну бегитир хыйсаб бергенлерин да чертгенди Башчы.




