Джёгетей Аягъы район аскер къаугъагъа къошулгъан джердешлерибизге 200 «сухой душ» ашыргъанды. «Кесибизникилени атмайбыз» деген чакъырыу бла бардырылгъанды бу ашхы иш.

– Биз Джёгетей Аягъы районну джамагъаты аскер борчларын сый бла толтургъанлагъа болушлукъ этгенлери бла ёхтемленебиз. Бизни керек кюнде бириге билгенибизни, къралыбызны къоруулагъанлагъа къачан да къол узатыргъа хазырлыгъыбызны кёргюзеди ол зат, – деб чертгендиле районну администрациясында.
Бу кёзюулю джюкню хазырлаугъа Красногор стансени «Биринчилени къозгъалыууну» джергили бёлюмюню тамадалары бютюн да уллу юлюш къошхандыла.
Ала, аскерчи джашлагъа къайгъырыу танытыб, къумачны бичиб, «сухой душла» хазырлауну къолгъа алгъандыла. Ала анда бек керекли болгъанларына ишек да джокъду.
Былайда энтда бир кере адамланы эслерине салыргъа тыйыншлыды: аскер къаугъа башланнганы бла Къарачай-Черкесиядан анда джердешлерибизге, Ата джуртубузну къоруулагъанлагъа, болушлукъ ашырыб тебрелгенди. КъЧР-ни Башчысы Темрезланы Рашидни башламчылыгъы бла къуралгъан штабны юсю бла ётеди бютеу ашырылгъан гуманитар джюк.
Алайды да, аскер къаугъагъа къошулгъанлагъа эмда аланы юйдегилерине болушлукъгъа багъышланнган штабны юсю бла 1700 тоннадан аслам болушлукъ ашырылгъанды. Джиберилген зат барысы да уруш этгенлеге керекли болгъаны ажымсызды, нек десенг, аланы излемлерине кёре джарашдырылады хар джол сайын гуманитар джюк. Суу, къол-бет джууаргъа джараулу затла, азыкъ, дарман-дары, улоу техника, инструментле – была барысы да аланы сакълаб тургъанлагъа кёзюу-кёзюую бла табдырылгъанлай турадыла.

 
{jcomments}