Къарачай-Черкесияда энтда уллу джолну бир кесегине тыйыншлы ремонт этилгенди. Ол Морхдан САО-гъа баргъан джерди. Алайдан Архыз курортха келиб тиреледи, кеси да Черкесскеден Доммайгъа баргъан А-155 улоу джолгъа къарайды.

Элни адамлары, джолну къолайсыз болгъаннга санаб, анга ремонт этилирин излегендиле. Бу джол элде джашагъанланы район аралыкъ, Черкесск эмда Къарачай шахар бла байлайды. Бу ашхы иш «Джашаутурмуш таблыкъла» миллет проектни джашаугъа сингдириу бла байламлы болгъанын чертерге тыйыншлыды.
Кёб турмай энтда бир джол хайырланыугъа теджелликди. Ол Къарачай шахардан Учкуланнга баргъан джолду – узунлугъу 10 километрди. Айтыргъа, ишни 95 процентинден къол айыргъандыла. Джёгетей Аягъындан Терезеге элтген джолну джараусуз кесегин джангыртыу да тамамлана кетгенди. Бу джолну 9 километр джери заманны излемине кёре джарашдырылыб бошайды.
«Джашау-турмуш таблыкъла» миллет проектни толтура, регионда «Гитче Зеленчук – Къош-Хабль», «Черкесск – Хабез» (Али-Бердуковскийни къатында) «Къарданик – Къызыл Октябрь» джолланы джангыртыу къызыудады.
Аны бла да къалмай, джергили бюджетни юсю бла «Адиль-Халкъ – Псаучье-Дахе» эмда Ударный посёлокда джол кесеклени да мардагъа келтирир мурат этедиле.

 
{jcomments}