Эресей гвардияны къуллукъчулары «Фундамент Великой Победы» деген проектге къошулгъандыла. Ол проектни тамалында лицензия-эркинлик ишни хакъындан аралыкъны къуллукъчусу полицияны майору Валерий Шаков къарт атасы Мусса Агаржаноковну юсюнден хапар айтханды.
1942-чи джыл къыркъар (август) айда Бесленей элде джашагъанла къуршоугъа тюшген Ленинграддан къутхарылгъан 32 сабийни кеслерине алыб ёсдюргенлерини юсюнден хапар айтханды абычар. Ол сабийлени арасында Валерийни къарт атасы Марк (Мусса) да болгъанды. Ол кёзюуде анга 7 джыл толгъан эди. Джашчыкъ аты бла джылындан сора эсине джукъ тюшюралмай эди.
«1942-чи джыл Кукра бла Якъуб Агаржаноковла, Маркны кеслерине алыб, атына да Мусса деб атагъан эдиле. Алай бла, къарт атамы джашаууну джангы кёзюую башланнганды», – дейди Валерий Шаков.
Мусса Агаржаноков урунууну сюйген, адебли-намыслы адам эди. Бесленейде аны фахмулу устазча таный эдиле. Ол юйдегисин, джууукъларын бек сюе эди. Мусса юй бийчеси бла беш сабийни ёсдюргенди, аланы хар бирине окъуу-билим алдыргъанды. Муссаны тогъуз туудугъу барды, туудукъладан туугъанла да джети боладыла.
Абычар Валерий Шаков айтхандан, быллай акцияла ёсюб келген джаш тёлюню патриот сезимлерин ёсдюредиле, тарихибиз унутулмазча этедиле.
КОВАЛЕНКО Александра,
Эресей гвардияны КъЧР-де управлениесини пресс-къуллугъуну джууаблы толтуруучусу.




