Мындан алда Къобан районну джеринде малланы джукъгъан ауруулары джайылмазча этерге излеб, команда-штаб юрениуле бардырылгъандыла.
Ол ишге федерал эмда регионал ведомстволаны, ветеринар къуллукъну, МВД-ны, Эресей гвардияны, Роспотребнадзорну, МЧС-ни къуллукъчулары, Шимал Кавказны регионларындан келген устала къошулгъандыла.
Юрениулени кёзюуюнде адамла, джукъгъан ауруу болгъанын ангылагъанлай, аны тыйыншлы джерге терк къалай билдирирге боллугъуна юреннгендиле. Ала, къоркъуулу болумну дженгил къурутур мадарла къурай, биригиб ишлерге кереклисин танытхандыла. Ол юрениулеге къошулгъан къуллукъла, биригиб къалай ишлерге боллукъларын мийик дараджада кёргюзгендиле.
Быллай юрениуле адамланы, малланы да къоркъуусузлугъун сакъларгъа себеблик этгенлерине сёз джокъду.




