Къарачай-Черкесияда озгъан джыл 327 мингден аслам адам кеслерини саулукъларын тинтдиргендиле. Ол затны хайыры джукъгъанына шагъатлыкъ этген юлгю келтирейик – адамлада джангы къозгъала башлагъан 80 минг тюрлю ауруу ачыкъланнганды.

Демография болумну игилендириуню, сабий тууууну кёбейтиуню эмда узакъ ёмюрлю болууну джылында диспансеризация да къызыу джюрюш алгъанды. Айтыргъа, 157 минг адам саулугъундан хапар билгенди, 3000-нге джууукъ тюрлю-тюрлю ауруу тамыр иерден алгъа айгъакъланнганды.
Республиканы узакъ эллеринде джашагъан адамланы чарх юсюнде медицина комплексле бла (саулукъну поездлери) саулукъларын тинтгендиле. Ол поездле заманны излемине джууаб этген оборудование бла джарашдырылгъандыла, ол себебден адамла, юйлеринден чыкъмагъанлай, аурууларын ачыкъларгъа мадар табадыла.
Былайда бир затны юсюнден айырыб чертерге дурусду: былтырдан бери диспансеризацияны программасына репродуктив саулукъну скрининги да киргенди.

 
{jcomments}